Өчигдөр өдрийн 12 цагаас хойш бүтэн өдөр хуралдсан УИХ-ын гишүүний халдашгүй байдлын дэд хорооны хуралдаанаар УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх асуудлыг хэлэлцсэн.
Гэвч тус хуралдаанаар ямар нэгэн шийдвэр гаргаагүй, цааш үргэлжлүүлэхээр болсон.
Харин өнөөдөр хуралдах тов нь гараагүй бөгөөд ирц нь хэзээ бүрдэж үргэлжлэх нь тодорхойгүй болжээ. Учир нь Халдашгүй байдлын дэд хорооны дарга Н.Энхболд коронавирусийн халдвар илэрсэн тул өнөөдөр ажилдаа ирээгүй байна.
Энэ талаар УИХ-ын гишүүн Сү.Батболд дараах мэдээллийг өгөв.
Тэрээр "Дөрвөн гишүүнийг түдгэлзүүлэх эсэхийг шийдвэрлэхэд одоогоор мэдээллүүд хангалтгүй байна. Нэмж тодруулах асуудлууд байгаа" гэлээ.
