Нийслэлийн прокурорын газраас яллах дүгнэлт үйлдэж, Баянгол, Хан-уул, Сонгинохайрхан дүүргийн ирүүлсэн Ш.Батхүү нарт холбогдох эрүүгийн хэргийн гэм буруугийн шүүх хуралдааныг Хан-Уул дүүргийн Эрүүгийн хэргийн анхан шатны шүүхэд өчигдөр 12.00 цагт хэлэлцэхээр товлоод байсан ч шүүх хуралдааныг хойшлуулжээ.
Шүүгдэгч Г.Амарбат нэмж өмгөөлөгч авсан, өмгөөлөгч хэргийн материалтай танилцах, хохирогчийн хууль ёсны төлөөлөгчийн өмгөөлөгч К.Баурижан шүүх хуралдаан давхацсан талаарх баримтыг ирүүлсэн тул шүүх хуралдааныг 2021 оны есдүгээр сарын 8-ны 10.00 цагт товложээ.
Ш.Батхүү нарт холбогдох эрүүгийн хэргийг УДШ энэ оны долдугаар сарын 20-нд хэлэлцээд, анхан шатны шүүхээр дахин хэлэлцүүлэхээр буцаасан билээ.
Эх сурвалж: Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн тамгын газар
