УИХ-ын ээлжит сонгуульд “Та бидний эвсэл”-ээс нэр дэвшсэн хоёр хүнийг бүртгэхээс татгалзсан асуудлыг шүүхээр шуурхай шийдвэрлэх шаардлагыг МАХН-аас Захиргааны хэргийн давж заалдах шатны шүүхэд өнөөдөр хүргүүллээ.
СЕХ-ноос МАХН, ИЗНН, МУНН-ын “Та бидний эвсэл”-ээс нэр дэвшүүлэхээр хүргүүлсэн Н.Энхбаяр, Ж.Энхжаргал нарыг УИХ-ын сонгуулийн тухай хууль болон бусад хуулийн хүрээнд нэр дэвших боломжгүй хэмээн үзэж, батламжилхаас татгалзсан. Тиймээс МАХН-наас шүүхэд хандсан бөгөөд урьдчилсан хэлэлцүүлэг энэ сарын 4-нд болохоор товлоод байсан ч нэхэмжлэгч тал нотлох баримт шинээр гаргуулах болсноор 10 хоног хойшлоод буй юм.
МАХН-ын дарга Н.Энхбаяр: Би сонгох, сонгогдох эрхээ эдлэхийн тулд шүүхэд хандаад 17 хонож байна. Сонгуультай холбоотой маргааныг шүүх богино хугацаанд, шуурхай шийдвэрлэх хуулийн заалттай. Тиймээс шүүх хурлыг ойрын хугацаанд шийдвэрлэхийг шаардаж байна. Ойрын хугацаанд шийдвэрлэхгүй бол УИХ-ын ээлжит сонгууль дууслаа гэв.
