Монголын үндэсний олимпын хорооны Тэргүүн дэд ерөнхийлөгч Б.Баттүшиг, ерөнхий нарийн бичгийн дарга Э.Бадар-Ууган болон ажлын албаны ажилтнууд өнөөдөр цахимаар хуралджээ.

Үүсээд буй нөхцөл байдалтай уялдуулан уг хурлаар,

• Тамирчид, дасгалжуулагчид, спорт сонирхогчид, олон нийтэд чиглэсэн видео контент бэлтгэн хүргэх,

• Цахим уулзалт, зөвлөгөөнийг тогтмол зохион байгуулах зэрэг олон талт үйл ажиллагааг эрчимжүүлэхээр санал солилцсон байна.

Ирэх долоо хоногт МҮОХ-ны тамирчдын комиссын хурал болон "Токио-2020" тэтгэлэгт хөтөлбөрт хамрагдаж буй тамирчид, дасгалжуулагчдын зөвлөгөөнийг цахимаар зохион байгуулахаар тогтсон байна.

Эх сурвалж: МҮОХ