УИХ дахь МАН-ын бүлэг өнөөдөр хуралдаж, гаргасан шийдвэрийг бүлгийн дарга Д.Тогтохсүрэн танилцууллаа.
Тэрээр "Бүлгийн хурлаар УИХ-ын сонгуулийн тойрог, мандатыг хэлэлцэн шийдвэрлэлээ. Улсын хэмжээнд 29 тойрог 76 мандат байна. Орон нутагт 20 тойрог 52 мандат байна. Өмнөх мандатын тоонд өөрчлөлт ороогүй. Зөвхөн нэг мандаттай байсан аймгуудыг хоёр мандаттай болгосон. Дундговь, Булган, Сүхбаатар, Говь-Алтай аймгууд 2 мандаттай болсон. Харин Нийслэлд9 тойрог 24 мандаттай байна" гэлээ.
Мөн МАН-ын бүлгийн хурлаар шинээр томилогдох 11 Элчин сайдын асуудал орж ирснээс есөн хүнийг дэмжжээ. БНЭУ-д суух Элчин сайдад нэр дэвшсэн Ч.Бүрэнбаяр, БНСУ-д суух Элчин сайдад нэр дэвшсэн Ц.Өнөрзаяа нарбг өндөр настай болон мэргэжлийн бус учир дэмжээгүй байна.
Харин өнгөрсөн баасан гаригт болсон Халдашгүй байдлын дэд хорооноос гаргасан УИХ-ын гишүүн Н.Номтойбаярт холбогдох шийдвэрийг бүлгээр ярилцсан ч шийдвэрт хүрэлгүй, эргэж ярилцъя гэсэн шийдэлд хүрчээ. Учир нь чуулган болтол хэд хоногийн зай байна гэсэн юм.
