Фото: Pexels
Биткоиныг бүтээгч Сатоши Накамотогийн тухай зарлаад байсан Money Electric: The Bitcoin Mystery («Цахим мөнгө: биткоины нууц») киногоо HBO компани үзүүллээ. "Сатоши Накамото" нууц нэрийн дор Bitcoin Core мөнгийн бүтээгч Питер Тодд нуугдаж байна гэж киног бүтээгч, баримтат киночин Каллен Хобак зүтгэжээ.
Хобакын хэлснээр, Питер Тодд өмнө нь өөрөө тэр Сатоши Накамото нэрийн дор байгаагаа хэлсэн гэнэ. Гэтэл CNN телевизид ярилцлага өгсөн Тодд үүнийг үгүйсгээд "Шинэ баримтат кино нь хэтэрхий нууц хөөсөн, хариуцлаггүй, өөрийнх нь амьдралд аюул учруулж байна" гэжээ.
Өмнө нь криптовалютыг хэн бүтээсэн тухай хэд хэдэн санаа хэлэгдэж байсан ч ганц нь ч батлагдаагүй юм. Нийтдээ 1,1 сая биткоинтой, өнөөгийн ханшаар 66 тэрбум доллартай тэнцэх мөнгөтэй гэх Накамото гэж хэн бэ? гэдэг тааврыг шинэ кино тайлж чадсангүй.