Цасанд суусны улмаас машинаасаа бууж явсан иргэний цогцсыг олжээ.

Тодруулбал, Дорнод аймаг, Гурванзагал сумын Цагаан хошуу багийн “Сайхан булаг” гэдэг газар /аймгийн төвөөс зүүн хойд зүгт 140  км-т, сумын төвөөс урд зүгт 40 км-т/ 4 хүн суудлын автомашинаар зорчиж яваад автомашинаа цасанд суулгажээ.

Үүнээс үүдэн нэг хүн автомашинаасаа бууж яваад сураггүй болсон байна. Уг мэдээлэлтэй холбоотой дуудлага мэдээллийг өчигдөр буюу гуравдугаар сарын 18-ны өдрийн 09:40 цагт Онцгой байдлыг газарт өгсөн байна.

Гурванзагал сумын Засаг даргын тамгын газрын 6 ажилтан, 1 автомашинтай иргэн Б/43 настай, эрэгтэй/-г эрэн хайх ажиллагааг зохион байгуулж 15:45 цагт “Сайхан булаг” гэдэг газар /анх цасанд суусан газраас зүүн зүгт 2 км/-аас цогцсыг нь олсон байна.