Цагдаагийн байгууллагад 2023 оны есдүгээр сарын 7-ны өдрийн 17 цагийн орчим Багахангай дүүргийн 2 дугаар хорооны нутаг дэвсгэрт “Үйлдвэрийн ажилчдын байрнаас гар утаснууд хулгайд алдсан” гэх дуудлага, мэдээлэл бүртгэгдсэн.

Тус дүүргийн цагдаагийн хэлтсээс алдагдсан эд зүйлийг эрэн сурвалжлах, хэргийг илрүүлэх ажиллагааг зохион байгуулж бусдын 4 сая 200 мянган төгрөгөөр үнэлэгдэх гар утаснуудыг 18 настай, эрэгтэй “А” гэгч үйлдсэнийг тогтоон, мөрдөн шалгах ажиллагааг үргэлжлүүлж байна.