МҮХАҮТ, "ЖАЙКА Монгол" олон улсын байгууллага хамтран зохион байгуулж буй “Байгаль орчин, уур амьсгалын олон улсын үзэсгэлэн Хоккайдо 2023” үзэсгэлэнг үзэж танилцах, туршлага судлах аяллын төлөөлөгчид Япон Улсын 22 ААН-тэй уулзалт хийв. Тус уулзалтын үеэр Япон Улсын ААН-үүд үйл ажиллагаа болон шинээр нэвтрүүлсэн технологийн шийдлүүдийнхээ талаар танилцуулж, дэлгэрэнгүй мэдээлэл өглөө.
Мөн энэ үеэр Нийслэл болон Саппоро хотын зүгээс байгаль орчин, уур амьсгалын өөрчлөлтийн эсрэг авч хэрэгжүүлж буй арга хэмжээ, үйл ажиллагааны талаар харилцан танилцуулав.
B2B уулзалтад оролцсон Монголын төлөөлөгчид тус улсын ААН-ийн төлөөллүүдтэй хог хаягдал дахин боловсруулах талаар санал солилцсон бөгөөд Улаанбаатар хот хог хаягдлын стратеги төлөвлөгөө боловсруулж байгаатай холбогдуулан туршлага солилцсон ААН-үүдийн төлөөллийг Улаанбаатар хотод хүлээн авч уулзахаар тохиролцлоо.
