Нийслэлийн Эрүүгийн хэргийг давж заалдах шатны шүүх "Жаст Групп"-ийн захирал Ш.Батхүү болон Э.Сүрэн, талийгаач Г.Алтан нарт холбогдох хэргийг хянан хэлэлцлээ.

Улмаар Г.Алтан, Э.Сүрэн нарт холбогдох хэргийг хэрэгсэхгүй болгон цагаатгажээ. Мөн шүүгдэгч Ш.Батхүүгийн эдлэх ялыг 9 жилийн хорих ялаар тогтоосон байна.

Харин Ч.Ганзоригт холбогдох торгох ялыг хэвээр үлдээн шийдвэрлэжээ.

Хэргийг эргэн сануулахад, Жаст Групп"-ийн захирал Ш.Батхүү "Эрдэнэт" үйлдвэрийн 51 хувийг барьцаанд тавьж, гаднын "Стандарт" банкнаас их хэмжээний зээл авсан хэрэгт яллагдагчаар татсан байдаг. Тухайн хэрэгт түүнтэй хамт талийгаач Г.Алтан, түүний хүү Э.Сүрэн нарыг нотлох баримтыг хуурамчаар үйлдсэн гэх үндэслэлээр яллагдагчаар татан хэргийг нь шүүхэд шилжүүлсэн юм.