Үндэсний их баяр наадмын бэлтгэл ажлын талаар холбогдох албаныхан мэдээлэл өглөө.

Үндэсний их баяр наадмыг зохион байгуулах комисс хуралдаж, бөх, морь, сурын харваа, шагайн харвааны салбар хороод баяр наадмыг зохион байгуулах дүрмийн төсөл болон бэлтгэл ажлын явцаа танилцууллаа.

Баяр наадмыг зохион байгуулах бэлтгэл ажил төлөвлөгөөний дагуу хангагдаж байгаа.

Урлаг, соёлын арга хэмжээ зохион байгуулах салбар хороо Төрийн ёслол хүндэтгэлийн концерт болон “Улаанбаатарын үдэш” цэнгүүний бэлтгэл ажлын талаар танилцуулж, энэ жилийн наадмыг хүүхэд, залууст түүх соёлоо бүхий л чиглэлээр таниулахад анхаарч ажиллана гэж мэдээллээ.

Энэ жилийн "Улаанбаатарын үдэш" арга хэмжээ Хүй долоо худагт болно. Харин Төрийн ёслол хүндэтгэлийн концерт Төв талбайд тоглогдоно. 

Наадмын нээлт, хаалтын үйл ажиллагаа Төв цэнгэлдэх хүрээлэнд зохион байгуулах юм. 

Энэ жилийн баяр наадмын нийт төсөв 2.3 тэрбум төгрөг байна.