Цэцэрлэгийн багш хүүхэдтэй зүй бусаар харьцаж, гар хүрч байгаа бичлэг өчигдөр нийгмийн сүлжээгээр цацагдсан билээ.
Тэгвэл тус цэцэрлэгт Гэр бүл хүүхэд залуучуудын газрын хүүхдийн байцаагч, Ёс зүйн зөвлөлийн гишүүд гээд гурван хүний бүрэлдэхүүнтэй ажлын хэсэг, цагдаа прокурор зэрэг мэргэжлийн байгууллагууд ажиллаж байна.
Өнөөдөр цэцэрлэгт ажиллаад дүгнэлтээ гаргаад, үдээс хойшдоо дахиад хуралдаж, ямар хариуцлага тооцох болсноо танилцуулах юм.
Одоогоор багш, цэцэрлэгийн удирдлагуудад ямар хариуцлага тооцох талаар албан ёсны шийдвэр гараагүй байна.
Мөн олон нийтийн сүлжээнд уг бичлэгийг хэзээ тавьсан, 12-р сарын 2-ны бичлэг мөн эсэх, түүнчлэн энэ нь тухайн багшийн ганц удаагийн үйлдэл үү, эсвэл удаа дараа ийм ёс зүйгүй байдал гаргаж байсан уу гэдгийг нягталж шалгаж байгаа аж.
Мөн Архангай аймгийн Боловсролын газраас эцэг эхчүүдээс уучлалт гуйж мэдэгдэл гаргах юм байна.