Гадаад харилцааны сайд Д.Цогтбаатар Европын Холбооны зарим улсуудаас Монгол улсад суугаа Элчин сайд нарыг хүлээн авч уулзжээ.
Уулзалтын үеэр талууд ЕХ-ноос Монгол улсад хэрэгжүүлж буй төслүүдийн талаар мэдээлэл солилцохын зэрэгцээ цаг үеийн асуудлаар ярилцсан байна.
ЕХ-ноос Монгол Улсад суугаа Элчин сайд Т.Христеа Монгол Улс шинэ төрлийн коронавирусийн цар тахлаас урьдчилан сэргийлэх, тэмцэх чиглэлээр авч буй арга хэмжээг үр дүнтэй буйг онцолжээ. Мөн үүсээд буй нөхцөл байдалтай холбогдуулан үүсч буй зарим асуудлын талаар санал, хүсэлтээ илэрхийлсэн байна.
Гадаад харилцааны сайд Д.Цогтбаатар Монгол улсын Засгийн газраас коронавирусийн цар тахалтай холбогдуулан авч буй арга хэмжээг тайлбарлан дэлхий дахиныг хамраад буй энэхүү цар тахлыг даван туулахад нийтээрээ хамтран ажиллахыг чухлыг тэмдэглэсэн хэмээн Гадаад харилцааны яамнаас мэдээллээ.
