Монгол Улсын урт хугацааны хөгжлийн бодлого болох "Алсын хараа 2050"-ын хүрээнд 2021-2030 онд хэрэгжүүлэх үйл ажиллагааны “Хүний хөгжил” бүлгийн 2.1.22 дахь үйл ажиллагаа, мөн Боловсролын ерөнхий хууль, Сургуулийн өмнөх болон ерөнхий боловсролын тухай хуулийн 14.3 дахь заалт, Боловсрол, шинжлэх ухааны сайдын 2021 оны А/222 дугаар тушаал-ын хэрэгжилтийг хангах зорилгоор ерөнхий боловсролын сургуульд ажиллах сэтгэл зүйчийн мэргэшүүлэх 9 дэх удаагийн сургалт амжилттай зохион байгуулагдлаа.

Сургалтын зохион байгуулалт

Уг сургалт 2025 оны нэгдүгээр сарын 19-нөөс хоёрдугаар сарын 24-ний өдөр хүртэл Улаанбаатар хотноо танхимаар явагджээ.

Сургалтад нийт 51 сэтгэл зүйч хамрагдсан бөгөөд үүнд:

• Нийслэлийн 28 сэтгэл зүйч
• Орон нутгийн 23 сэтгэл зүйч (Архангай, Баянхонгор, Булган, Говьсүмбэр, Дархан-Уул, Дорноговь, Дорнод, Дундговь, Завхан, Өвөрхангай, Өмнөговь, Сүхбаатар, Сэлэнгэ, Увс, Хөвсгөл, Хэнтий)

Сургалтыг дүүргэсэн мэргэжилтнүүд ерөнхий боловсролын сургуулийн сурагч, багш, ажилтан, эцэг эх, асран хамгаалагчдад мэргэжлийн сэтгэл зүйн үйлчилгээ үзүүлэх эрхтэй болж, сертификат гардан авлаа.

Энэхүү сургалт нь хүүхдийн сэтгэл зүйн хөгжлийг дэмжих, боловсролын орчинд эерэг өөрчлөлт бий болгох, сэтгэл зүйн үйлчилгээний хүртээмжийг нэмэгдүүлэх ач холбогдолтой юм.