"Эрдэнэс Тавантолгой" ХК-ийн Төлөөлөн удирдах зөвлөл 2024 оны хоёрдугаар сарын 16-ны өдөр хуралдаж, компанийн 2023 оны цэвэр ашгаас нэгж хувьцаанд 285 мянган төгрөгийн ногдол ашиг хуваарилахаар шийдвэрлэсэн. Ногдол ашгийг аудитын дүгнэлт гарсны дараагаар иргэдэд олгоно гэдгийг ЗГХЭГ-ын дарга Д.Амарбаясгалан мэдээлж байсан билээ.

Тэгвэл “Эрдэнэс Тавантолгой” ХК-аас 2023 оны урьдчилсан гүйцэтгэлээр тус компани 3.2 их наяд орчим төгрөгийн цэвэр ашигтай ажилласан ба ногдол ашгийг энэ долоо хоногт иргэдийн данс руу шилжүүлэх байсан ч ирэх 7 хоногт шилжүүлэхээр болжээ.

Та өөрийн эзэмшиж буй хувьцааны тоог 266 төгрөгөөр үржүүлэн ногдол ашгийн хэмжээг тодорхойлох боломжтой ба 1072 ширхэг хувьцаа эзэмшиж байгаа тохиолдолд татвар суутгасан дүнгээр 256 мянган төгрөг олгогдохоор байна.