Богд хааны ордон музей өвлийн цагийн хуваарьт шилжиж байна.

Тодруулбал, Мягмар, Лхагва гаригаас бусад өдрүүдэд 10:00-17:00 цагийн хооронд ажиллах бөгөөд сүүлийн үзэгчийг 16:15 цагт музей рүү нэвтрүүлэх аж. Харин долоо хоногийн Мягмар, Лхагва гаригт амрах юм. 

Тасалбарын үнийн хувьд том хүн 8000, оюутан 3000 төгрөг бол 0-16 насны хүүхдүүд үнэгүй үзэх эрхтэй байна.

Музейн түүхээс товч дурдвал “Билгийг хөгжүүлэн бадруулагч” /Шаравпэлжээлин/ нэртэй энэ цогцолборыг 1893-1903 оны хооронд Монголын шарын шашны тэргүүн YIII Богд Живзундамбад зориулан барьжээ. 

1928 он гэхэд 2117 зүйлийн 3000-аад үзмэртэй болсон байжээ. Одоогийн байдлаар тус музей нь /2012-2013 оны улсын тооллогын статистик мэдээ/ 4,196 дэсийн 8,626 ширхэг үзмэртэй байна. Үүнээс үзмэр үзүүллэгт 465 дэсийн 1146 ширхэг үзмэр буюу нийт үзмэрийн 13.8% дэлгээстэй байж олон нийтийн хүртээл болж байгаа аж.

Үзмэрүүдийг хүндрүүлэгчтэй сейф/нууцлалын өндөр зэрэглэлийн цоож, кодтой, дохиололжуулсан/, хадгалах орчин, өрөө тасалгаа нь аюулгүй, нууцлалын байдлыг бүрэн хангажээ.