Өнгөрөгч амралтын өдрүүдээр Ерөнхийлөгч У.Хүрэлсүхийн хятад хэлээр ярьж буй бичлэгийг цахим орчинд түгээсэн нь олон нийтийг төөрөгдүүлээд байгаа билээ. Гэвч энэ нь эвлүүлэг байсан тухай хэвлэлийн төлөөлөгч нь мэдэгджээ.
Ерөнхийлөгчийн хэвлэлийн албаны дарга Ө.Золбаяр:
-"Олон нийтийн сүлжээ, цахим орчинд программ ашиглан Монгол Улсын Ерөнхийлөгчийг Хятад хэлээр мэндчилгээ дэвшүүлсэн мэтээр эвлүүлэг хийсэн бичлэг тархаж эхэллээ.
Монгол Улсын Ерөнхийлөгч гадаад хэлээр мэндчилгээ дэвшүүлээгүй бөгөөд аливаа олон улсын хурал чуулганд зөвхөн эх Монгол хэлээрээ мэндчилгээ дэвшүүлдэг" гэв.
