Монгол Улсын Ерөнхийлөгчийн 2021 оны сонгуулийн сурталчилгаа өнөөдөр албан ёсоор эхэлээ.
Ерөнхийлөгчийн сонгуульд МАН-аас У.Хүрэлсүх, АН-аас С.Эрдэнэ, "Зөв ХҮН электорат" эвслээс Д.Энхбат нар нэр дэвшсэн бөгөөд тэдний баримт бичгийг Сонгуулийн ерөнхий хороонд бүртгүүлэхээр хүргүүлсэн билээ.
Сонгуулийн ерөнхий хороо нэр дэвшигчдийг бүртгэсэн шийдвэрээ өнөөдөр танилцуулж, үнэмлэхийг гардуулан өгөх юм. Сонгуулийн сурталчилгаа Зургаадугаар сарын 7-ны өдрийг дуустал 14 хоног үргэлжилнэ.
Ерөнхийлөгчийн сонгуулийн санал хураалт 2021 оны Зургаадугаар сарын 9-нд явагдана. Харин Ерөнхилөгчөөр сонгогдсон эрхмийг Зургаадугаар сарын 24-ны өдөр батламжлах билээ.
Үүнээс гадна нэр дэвшигчдийн хөрөнгө орлого болон мөрийн хөтөлбөр Үндэсний аудитын байгууллага, Авлигатай тэмцэх газрын цахим хуудаст байршуулан олон нийтэд нээлттэй болно.
Ерөнхийлөгчийн сонгуулийн тухай хууль болон ажлын цаг хугацааг хуульд ингэж заасан байна.
