УИХ дахь АН-ын бүлгээс өнөөдөр мэдээлэл хийлээ.

АН-ын даргын сунгаанд хамгийн өндөр оноо авсан нэр дэвшигчийг намын их хуралд өргөн мэдүүлж ёсчлон батална гэлээ.

Ийнхүү АН-ын дотоод сонгуулийн хорооноос О.Цогтгэрэлийг АН-ын их хуралд өргөн мэдүүлэхээр болсон байна.

АН-ын даргаар сонгогдсон О.Цогтгэрэл "Шударгаар өрсөлдсөн гурван нөхөд, итгэж найдлага хүлээлгэсэн гишүүддээ баярлалаа. Цаашдын улстөрийн ажилд нь өндөр амжилт хүсье. Энэ удаагийн АН-ын даргын сунгаа амаргүй нөхцөлд болж өнгөрлөө. Нийгэмд АН-ын орон зай хаана байгааг иргэд биднээс шаардаж байна. Үзэл санаа нь бат зогсохыг нийгэм, эдийн засаг, улстөрийн нөхцөл байдаг гээд олон зүйл биднээс шаардаж байна. Мөн Ардчилсан нам дотоод гишүүдээ оролцуулдаг нам болно. Бид бүхэн цаашид АН-ын дотоод асуудлаа маш хурдан шийдвэрлэж, монгол улсын хөгжил дэвшилд оруулах үүрэг, оролцоог ихэсгэх болно" гэв.