Эрдэнэс Тавантолгой” ХК баасан гаригт (2024.10.18) Монголын Хөрөнгийн Биржээр дамжуулан хоёр удаагийн цахим арилжаа хийж 20 багц буюу 128.0 мянган тонн 1/3 коксжих нүүрс, 40 багц буюу 256.0 мянган тонн 1/3 коксжих нүүрс нийт 60 багц 384 мянган тонн 1/3 коксжих нүүрс арилжжээ.
Арилжаанд нийт 12 худалдан авагч оролцож нэг тонн нүүрсний үнийг 90.2 ам.доллароос эхлэн дуудаж 93.7 болон 96.2 ам.долларт хэлцэл хийгдсэн байна.
Биржийн арилжаа эхэлснээс хойш нийт 106 удаагийн арилжаагаар 2.68 тэрбум ам.долларын үнэлгээ бүхий 22.7 сая тонн нүүрс борлуулсан. Үүнээс коксжих нүүрс 8.6 сая тонн, сул коксжих нүүрс 10.8 сая тонн, эрчим хүчний нүүрс 3.3 сая тонн тус тус биржээр арилжаалсан байна.