Өнөөдөр буюу дөрөвдүгээр сарын 8-ны өдөр нутгийн өмнөд хэсгээр үүлшинэ. Бусад нутгаар солигдмол үүлтэй байх ба ихэнх нутгаар хур тунадас орохгүй. Харин говийн аймгуудын нутгийн зарим газраар бороо, нойтон цас орох төлөвтэй байна.
Салхи өмнөд нутгаар баруун өмнөөс хойш эргэх хандлагатай бол бусад нутгаар баруунаас секундэд 6-11 метр хүрч ширүүсч болзошгүй байгаа аж.
Агаарын температурын хувьд:
-
Увс нуур, Дархадын хотгор, Монгол-Алтайн уулархаг бүс, Завхан голын эх, Идэр, Тэс, Байдраг голын хөндийгөөр +5-10 градус,
-
Их нууруудын хотгор, говийн бүсийн баруун өмнөд хэсэг, Орхон-Сэлэнгийн сав газар, Дорнод-Дарьгангын тал нутгаар +15-20 градус,
-
Бусад нутгаар +10-15 градус дулаан байх төлөвтэй байна.
Цаг уур, орчны шинжилгээний газраас мэдээлснээр ойрын өдрүүдэд ихэнх нутгаар агаар дулаарч, хуурайшилт эрс нэмэгдэх хандлагатай байна. Иймд болзошгүй ой, хээрийн түймрийн аюулаас урьдчилан сэргийлэхийг иргэд, аж ахуйн нэгжүүдэд анхаарууллаа.
Эх сурвалж: Цаг уур, орчны шинжилгээний газар.
