УИХ-ын дэд дарга Я.Санжмятав цаг үеийн асуудлаар байр сууриа илэрхийллээ.
Тэрээр “Парламент, Засгийн газрын ажлыг гацаанаас гаргахгүй бол ажил урагшлахгүй. Би хэлж байсан. Болохоо байчихлаа, зөвшилцлөө хийгээч гэж. Төрийн гурван өндөрлөг нь уулзах ёстой. Энэ бол ганцхан М.Энхболдын асуудал биш. У.Хүрэлсүх, Х.Баттулгын асуудал. Монголын төр нэгдмэл байх нь эх орны тухай асуудал. Хуулиа хараад суугаад байх юм бол суугаад л байна. Шийдэл нь өргөдлөө өгөх. Цэц нэлээд удаашралтай байна. Ядаж хоёр талдаа байж байгаад эвлэрүүлэх тухай яръя. Ер нь АН-ын бүлэг үүсээд байгаа нөхцөл байдлыг шалгуул гэсэн байр суурьтай байгаа. 60 тэрбум, ЖДҮ, стратегийн ордыг авсан хүмүүстээ хариуцлага тооц гэж байгаа. Ард түмэн рүү дэндүү угаадас цацлаа. 2020 онд дүнгээ тавиулах биз дээ” гэв.
