Euromillions сугалааны нэгэн азтан 170 сая фунт стерлинг буюу 190 сая евро хожсоныг зарлаад байна. Их Британид өмнө нь ийм их хэмжээний мөнгийг сугалаанаас хожсон тохиолдол бүртгэгдэж байгаагүй юм.
Одоогоор энэ хонжворын тасалбарын эзэн ганц хүн үү, эсвэл гэр бүлийн гишүүд үү гэдэг нь хараахан тодорхой болоогүй байгаагаас гадна азтаныг нэрийг ч зарлаагүй байна.
Хэрэв азтан хонжворын тасалбарыг ганцаараа эзэмшиж байгаа тохиолдолд тэрээр Сандэй Таймсаас гаргадаг Их Британийн хамгийн чинээлэг 1000 эрхмийн жагсаалтад шууд орох гэнэ. Сугалааны азтан хөрөнгөөрөө дуучин Том Жонс болон Кэльвин Харрис зэрэг одуудаас ч илүү баян болно. Үүнээс өмнө Колин болон Чрис Вэйр гэх Их Британийн иргэд 2011 оны хонжвороос 161 сая фунт стерлингийг хожиж байжээ.
