Австралийн эрдэмтэд нэгэн шинэ төрөл зүйлийн ялааг "НВО" сувгийн "Хаадын тоглоом" цувралын эсрэг дүр болох "Шөнийн хаан"-ны нэрээр нэрлэжээ.

Парамоновиус шөнийн хаан /Paramonovius nightking/ зөгий нь өнгөрсөн онд Австралийн шинжлэх ухаан, үйлдвэрлэлийн судалгааны холбоонд шинээр бүртгэгдсэн 230 гаруй төрөл зүйлийн амьтны нэг юм. Мөн тус нэрийг өгсөн доктор Шуанкун Ли нь "Хаадын тоглоом" цувралын үнэнч үзэгчдийн нэг гэж CNN агентлаг мэдээлжээ. 

Эрдэмтдийн хэлснээр, "Парамоновиус шөнийн хаан" ялаа нь өвлийн хүйтэнд тэсвэртэй бөгөөд өргөс шиг үсэн титэмтэй гэнэ. Нэг сантиметр урт уг ялааг өвлийн улиралд Австралийн баруун нутгийн хэсэг газарт харагддаг байна.

"Парамоновиус шөнийн хаан"-ыг 2012 онд "Wandoo" үндэсний цэцэрлэгт хүрээлэнгийн судлаачид анх илрүүлсэн боловч Австралийн Шинжлэх ухаан, үйлдвэрийн судалгааны байгууллагын мэргэжилтэн шинэ төрөл зүйл гэдгийг нь олон жилийн дараа тогтоосон нь энэ ажээ.

Энэхүү ялаа нь зөгий шиг харагддаг бүлгийн ялаануудын нэг ба тэдгээр нь зөгийн хатгалтыг мэддэг шувуудын идэш болохоос сэргийлэх зорилгоор ийм болсон гэж судлаачид үздэг байна.