Шадар сайд С.Амарсайхан Эрүүл мэндийн яаманд ажиллах үеэрээ Орон нутгийн эмч, сувилагчдын төлөөллийг вакцинд хамруулж, чадавхжуулах талаар мэдээлэл өгөв.
Тэрээр "Тавдугаар сарын 1-нээс эхлэн орон нутгийн эмч, сувилагчдаас тодорхой тооны төлөөллийг Улаанбаатарт ирүүлж, вакцинжуулалтад хамруулна. Орон нутагт вакцин хийхдээ тухайн хүмүүс чадавхжсан байх ёстой. Тиймээс энэ зохион байгуулалтыг эрт хийгээрэй.
Тэгээд ирэхээрээ байр, хоолны мөнгөгүй гэсэн жижиг асуудал яриад байж болохгүй. Та нарт мөнгийг нь шийдэж өгч байгаа. Цаана нь эрх ашигтай холбоотой асуудал байна. Орон нутгийнхан өөрсдөөсөө асуудлыг бултуулаад, нийслэлд бүх зүйлийг шийддэг юм шиг ачаалал үүсгэдэг. Завханд халдвар авсан хүмүүсээ эмчилж болж байна. Дандаа асуудлаас бултаж явсаар бүтэн жил өнгөрөхөд орон нутаг чадавхжаагүй байна. Үүнд анхаарах хэрэгтэй" гэлээ.
