УИХ-ын гишүүн асан Д.Гантулгыг саатуулан шалгах эсэхийг хэлэлцэх хурал товлогдоод байгаа талаар бид мэдээлсэн. Түүнийг 2018 оны арваннэгдүгээр сарын 27-нд найз Э-гийнхээ хамт нэгэн эмэгтэйг хүчирхийлэхийг завдсан гэх хэрэгт холбогдуулан хорих шаардлагатай гэсэн хүсэлт гаргаад байсан юм. Ингээд Хан-Уул дүүргийн эрүүгийн хэргийн анхан шатны шүүхээс УИХ-ын гишүүн асан Д.Гантулгыг хорих шаардлагагүй гэж үзсэн байна. Гэхдээ түүнд Монгол Улсын хилээр гарахыг хязгаарласан хориг тавьсан байна.

Ингээд албан мэдээллийг бүрэн эхээр нь хүргэж байна.

Хан-Уул дүүргийн эрүүгийн хэргийн анхан шатны шүүхэд 2019 оны 01 дүгээр сарын 29-ны өдөр УИХ-ын гишүүн асан Д.Гантулгыг Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.4 дэх хэсэгт заасан "Урьд авсан таслан сэргийлэх арга хэмжээг зөрчсөн” үндэслэлээр Нийслэлийн прокурорын газраас цагдан хорих таслан сэргийлэх арга хэмжээ авахуулахаар ирүүлсэн саналтай хэргийг 2019 оны 01 сарын 30-ны өдөр шүүн, хэлэлцээд Д.Гантулгыг цагдан хорьж холбогдох хэргийг шалгах шаардлагагүй гэж шийдвэрлэсэн ба Д.Гантулгад авсан хувийн баталгаа гаргах, Монгол улсын хилээр гарахыг хязгаарласан таслан сэргийлэх арга хэмжээг үргэлжлүүлэхээр шийдвэрлэлээ.

infomongol.mn