Коронавирус Антарктидын судалгааны станцад тархжээ.
Коронавирус нь өнөөг хүртэл Ковид-19-гүй тивээр тоологдож байсан Антарктид тивд хүрчээ.
Чилийн арми Антарктидын хойг дахь Бернардо О'Хиггинс судалгааны төвд 36 тохиолдол бүртгэгдсэн талаар мэдээлэв. Тус 36 тохиолдлын 26 нь цэргийн албан хаагчид, 10 засварчин ажилчид бөгөөд Чили руу нүүлгэн шилжүүлжээ.
Чилийн тэнгисийн цэргийн хүчин судалгааны багаж хэрэгсэл, ажилтнуудаа авч явсан хөлөг онгоцонд гурван тохиолдол бүртгэгдсэнийг хэдхэн хоногийн дараа мэдээлэв. Ийнхүү Ковидын тохиолдол одоо долоон тивд бүртгэгдлээ.
Сарженто Алдеа арваннэгдүгээр сарын 27-нд судалгааны станцад хүрэлцэн ирж, арванхоёрдугаар сарын 10-нд Чили рүү буцсан байна. Талкахуано дахь Чилийн тэнгисийн цэргийн баазад буцаж ирэхэд багийн гурван гишүүний шинжилгээ эерэг гарчээ. Чилийн тэнгисийн цэргийн хүчин Антарктид руу зорчсон бүх хүмүүст PCR шинжилгээ өгсөн бөгөөд бүх хариу сөрөг гарсан гэж мэдэгджээ. Бернардо О'Хиггинсийн судалгааны станц бол Чилийн Антарктидад байдаг түр дөрвөн станцын нэг бөгөөд цэргийн хүчээр удирдуулдаг станц юм.
Чили нь Латин Америкийн хамгийн их тохиолдол бүртгэгдсэн зургаа дахь улс бөгөөд коронавирусийн батлагдсан 585,000 гаруй тохиолдол бүртгэгдсэн байна.
