Өнөөдөр Газар хөдлөлтийн аюулаас урьдчилан сэргийлэх, таниулах өдөр. Монгол Улсын Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гаригийг “Газар хөдлөлтийн аюулаас урьдчилан сэргийлэх, таниулах өдөр” болгон шийдвэрлэсэн.
“Гамшгийн аюулын тухай зарлан мэдээллийн дохиогоор ажиллах”, “Газар хөдлөлтийн аюулаас урьдчилан сэргийлэх, таниулах өдөр”-ийг тэмдэглэн өнгөрүүлэх ажлын хүрээнд Гамшгаас хамгаалах алба, тусгай зориулалтын мэргэжлийн ангийн удирдах бүрэлдэхүүн орон нутгийн зарим сургуулиуд дээр сургалт зохион байгуулсан байна.
Тухайлбал, Баян-Өлгий аймгийн Өлгий сумын ерөнхий боловсролын 3 дугаар сургуулийн ахлах ангийн сурагчдад “Газар хөдлөлтийн гамшгаас урьдчилан сэргийлэх, тохиолдсон үед авах арга хэмжээ” сэдвээр сургалт зохион байгуулж, “Анхаар” аппликейшнийг хэрхэн ашиглах талаар мэдээлэл өгчээ.
