“Анима” арт студи болон “Корпорейт конвейшн центр” хамтран дуу авианы бүтээл, модерн бүжиг, XX зууны модернизм урлагийн уран бүтээлчдийн намтар, уран бүтээлийн тухай өвөрмөц арга хэмжээ зохион байгуулахаар болжээ.
Монголд анх удаа “Синдром” арт лекцийг энэ сарын 10-нд “Корпорейт конвейшн центр”-т толилуулахаар товлосон байна. Нийт 120 минут үргэлжлэх уг лекцийг урлаг судлаач М.Аминаа удирдан явуулж, Ван Гог, Сальвадор Дали, Фрида Кало зэрэг алдарт зураачдын сод бүтээлүүдийн тухай яриа өрнүүлэх аж.
