Яамны мэдэгдэлд дурдсанаар, Парис хотод болсон жагсаал цуглаанд 1.1 мянган хүн оролцсон байна. Өнгөрсөн бямба гаригт Францын хотуудад болсон жагсаал цуглаанд 7 мянган хүн оролцсоноос 950 нь нийслэл хотын гудамжинд гарчээ. 32 дахь удаагийн эсэргүүцлийн ажиллагаа өнгөрсөн бямба гаригт Тулуз, Лион, Марсел болон бусад хотод болсон байна.

“Шар хантаазтнууд”-ын бямба гариг бүр зохион байгуулж буй жагсаал 2018 оны 11 дүгээр сарын 17-нд эхэлсэн юм. Тэд эхлээд автомашины түлшний үнийг нэмснийг эсэргүүцэн жагсаж эхэлсэн ч яваандаа эрх баригчдад тавьж буй шаардлагадаа нийгэм-эдийн засгийн төдийгүй улс төрийн асуудлуудыг оруулж эхэлсэн юм.