Япон Улсын Засгийн газрын буцалтгүй тусламжаар хэрэгжих “Бохир усны шугам сүлжээний засвар үйлчилгээний машин механизм, тоног төхөөрөмж нийлүүлэх төсөл” болон “Агаарын бохирдол хэмжих төхөөрөмж нийлүүлэх төсөл”-ийн солилцох ноот бичигт Монгол Улсын Засгийн газрыг төлөөлж Гадаад харилцааны сайд Б.Батцэцэг, Япон Улсын Засгийн газрыг төлөөлж Гадаад хэргийн сайд Т.Иваяа нар энэ сарын 4-нд Токио хотноо гарын үсэг зурлаа.

Төслийн хүрээнд нийлүүлэх тоног төхөөрөмжүүд

• Бохир усны шугам, хоолой цэвэрлэх, үзлэг хийх тоног төхөөрөмж – 270 сая иен
• Агаарын бохирдлын хэмжилтийн станц, зуух, боловсруулсан нүүрс, коксын ялгаруулалтыг хянах төхөөрөмж – 275 сая иен

Эдгээр төслийн санхүүжилт Япон улсын “Эдийн засаг, нийгмийн хөгжлийг дэмжих хөтөлбөр”-ийн хүрээнд хийгдэж байгаа бөгөөд хот суурин газрын агаарын бохирдлыг хянах, бохир усны шугамын засвар үйлчилгээ, шинэчлэл зэрэгт бодитой хувь нэмэр оруулна гэж Гадаад харилцааны яам мэдээллээ.

Эх сурвалж: ГХЯ