Холливудын жүжигчин Жонни Депп хэдхэн хоногийн дотор Лондоны Castle Fine Art Gallery галарейд өөрийн зурсан зургийн үзэсгэлэн гаргажээ. Тэрээр зурсан зургуудаа худалдаж £4,5 сая фунтаар хөрөнгөө нэмэгдүүлсэн тухай Daily Mail сонин мэдээлжээ.

Өөрийн зургууддаа тэр хөгжимчин Боб Марли, зохиолч Хантер Томпсон жүжигчид Хит Лежер ба Ривер Фениксийг дүрслэн буулгажээ.

"Баасан гариг гэхэд гол ажлууд нь зарагдсан. Одоо Ривер Феникстэй хэдхэн бар зураг үлдсэн" гэж галарейн төлөөлөгч хэлжээ.

Үндсэн ажлаасаа гадуур хийж байгаа бүтээлд нь олны зүгээс анхаарч байгаад жүжигчин сэтгэл өндөр байна.

Тэрээр "Олон жилийн турш би кино бизнесийн ажлаа л хичээнгүйлэн гүйцэтгэж байлаа. Гэхдээ надад цаас харандаа барих хүсэл ямагт байсан юм" гэжээ.  

Түүний "Найз нар ба баатрууд" нэртэй зургийн үзэсгэлэн худалдаа Их Британид хоёр дахь удаагаа ийн явагдлаа. Тэр өнгөрсөн онд 59 настай жүжигчин маань хөгжимчин Боб Дилан, Кит Ричардсон мөн жүжигчид Элизабет Тейлор, Аль Пачино нарыг зурсан ба зургаа хэдхэн цагийн дотор зарж байв.

Зураг тус бүр нь £14,95 мянган фунтаар ($18,22 мянган доллар) зарагджээ.

Үүний зэрэгцээ тэр 780 орчим гарын үсэгтэй хуулбараа зараад ашгаа £3 сая ($3,65 сая) болгож чаджээ.

М.ЦОГТ