“Crash Landing On You” цувралын гол дүрийн хосууд Сон Е Жин болон Хён Бин нар энэ оны гуравдугаар сард хуримын ёслолоо хийсэн билээ. Тэд анхны хүүхдээ өлгийдөн авах гэж буй баярт мэдээгээ цахим хуудсаараа дамжуулан хуваалцжээ.
Жүжигчин бүсгүй өөрийн инстаграм хуудаснаа “Бидэнд шинэ амьдрал ирлээ. Би одоо хүртэл бага зэрэг итгэж өгөхгүй байгаа ч өдөр ирэх тусам миний бие өөрчлөгдөж байгааг мэдэрч байна. Маш их догдолж байгаа ч болгоомжтой байх үүднээс өнөөдрийг хүртэл энэ талаар хэнд ч хэлээгүй юм. Гэхдээ хэт хожимдохоос нь өмнө энэ мэдээг шүтэн бишрэгчид болон бусад танилууддаа хэлэхийг хүссэн маань энэ юм. Бидэнд заяагдсан энэхүү амийг бид чадах бүхнээрээ хамгаалах болно” хэмээжээ.
