Америкийн Frontier Communications компани дэлхийн 100 гаруй улс орны үзэгчдийн дунд явуулсан судалгааныхаа дүнд 1990-ээд оны үед хүн бүхний сэтгэлд хүрсэн хамгийн алдартай киног тодруулан нэрлэжээ.

Судалгааны дүнгээс сонирхуулахад, Армени, Литваас эхлээд Того, Балба гээд 22 орны иргэд Роберт Земекисийн “Форрест Гамп” киног хамгийн сэтгэл хөдөлгөм, гайхамшигтай кино гэж нэрлэжээ. Хоёрдугаарт Украин, Гүрж, Латви, Танзани, Гана зэрэг 20-иод орны үзэгчид “Гэртээ ганцаараа” хүүхдийн киног нэрлэсэн байна. 

Харин гуравдугаар байрт Исланд, Мозамбик зэрэг 16 орны иргэн “Юрийн галавын цэцэрлэг” киног тун гайхамшигтай кино хэмээн дурджээ.

Энэ жагсаалт цааш нь Деми Мурын тоглосон “Хий үзэгдэл”-ийг 12 орны, “Титаник”-ийг 11 орны, “Хар хувцастай хүмүүс”-ийг найм, “Араатны хаан арслан”-г долоо, “Аладдин”-ыг гурван орны үзэгчид 1990-ээд оны шилдэг кино гэж нэрлэсэн байна.

“Хоёр дахь Терминатор”-ыг японы үзэгчид шилдэг гэсэн бол “Армегеддон”-ыг Шинэ Зеландын үзэгчид шилдэг гэжээ.