Франц улсын Эрүүл мэндийн сайд Оливье Веран коронавирусийн халдвар авсан тохиолдолд зарим эм тариаг хэрэглэж болохгүй гэж анхаарууллаа. Тэрээр өөрийн Twitter хуудсаар дамжуулан энэ онцолсон эмүүд нь өвчтөний биеийн байдлыг дордуулах эрсдэлтэй гэж бичжээ.
Үрэвслийн эсрэг эм /ибупрофен, кортизон зэрэг/ хэрэглэх нь өвчнийг хүндрүүлэх хүчин зүйл болж болзошгүй. Иймд хэрвээ та халуунтай байгаа бол парацетамол уух хэрэгтэй. Аль хэдийнэ үрэвслийн эсрэг эм хэрэглэж эхэлсэн бол эмчийн зөвлөгөө аваарай гэж жиргэжээ.
Өнөөдрийн байдлаар коронавирусийн халдварын улмаас 5800 гаруй хүн нас барж, 156400 гаруй хүн халдвар авч, 73900 гаруй хүн эдгээд байна.
