Коронавирусийн халдвар дэлхий нийтээр тархаад байгаа билээ. Үүний улмаас Орос улс Монгол улстай залгаа хилийн шалган нэвтрүүлэх цэгүүдээр БНХАУ-ын иргэдийн нэвтрэх хөдөлгөөнийг хоёрдугаар сарын 1-нээс эхлэн хязгаарлажээ.
Арга хэмжээг ОХУ-ын нутаг дэвсгэрт аюулт вирус тархахаас урьдчилан сэргийлэх зорилгоор авсан байна.
Холбогдох тогтоолыг ОХУ-ын Засгийн газрын цахим хуудсанд нийтэлсэн бөгөөд тус улсын Тюмень муж болон Өвөр Байгалийн хязгаарт шинэ төрлийн коронавирусний халдварын анхны тохиолдлууд нэгдүгээр сарын 31-нд илэрсэн юм. Халдвар авсан хүмүүс хоёулаа Хятадын иргэд байжээ.
