Монголын урлагийн салбарыг доргиож, өөдрөг өнгө аяс нэмж буй Рэппер Гинжингийн анхны бие даасан “Toos 2 Zoos” тоглолт болох гэж байна. 

Рэппер Гинжин 2007 онд анхны уран бүтээлээ танилцуулж байснаас хойш тасралтгүй уран бүтээлээ туурвисаар байгаа юм.

Түүний хип-хоп хөгжим сонирхогч залуусын хүлээлт болсон "Toos 2 Zoos" анхны цомгийн нээлтэд зориулсан бие даасан тоглолт энэ сарын 29-ны өдөр "Corporate Convention төв"-д болох аж. 

Тоглолтод Vanquish, Big Gee, Vandebo, Mrs M, Choidog, UB Comedy болон бусад артистууд урилгаар тоглох юм. Түүнчлэн энэ үдэш LOI4IXCON crew-ийн 10 жилийн ойн баяр тохиож байгаа бөгөөд тэд уг тэмдэглэлт үйл явдалд зориулан шүтэн бишрэгчиддээ бүрэн бүрэлдэхүүнээрээ тоглолтоо хүргэхийн сацуу төрөл бүрийн merchandise худалдаалахаар болжээ.

"Toos 2 Zoos" тоглолт нь энэ жилийн хамгийн сэтгэл догдлуулсан үдэшлэгүүдийн нэг байх болно гэдгийг зохион байгуулагчид онцолсон ба шилдэг артистуудын тоглолт, чанартай хөгжмийг нэг дор мэдрэхийг хүссэн хэн бүхнийг урьж байна.