Монголын үндэсний бөхийн холбооноос өнгөрсөн сард намрын нээлтийн барилдааныг зохион байгуулсан.
МҮБХ-ноос энэ сард зохион байгуулах барилдааны хуваариа танилцуулжээ. Аравдугаар сард болох хамгийн эхний барилдаан үндэсний бөхийн өсвөр, залуучуудын улсын аварга шалгаруулах тэмцээн байх бөгөөд энэ сарын 16-нд эхэлж, гурван өдөр үргэлжилнэ.
19-нд Булган аймгийн Сайхан сумын түүхт 100 жилийн ойд зориулсан, тус сумаас төрөн гарсан аваргуудын нэрэмжит улс, аймаг, цэрэг, сумын алдар цолтой хүчит 128 бөхийн барилдаан болно.
20-нд сумын цолтой болон залуу бөхчүүдийн намрын нээлтийн барилдаан эхэлнэ.
27-нд Нийслэл Улаанбаатар хотын 385 жилийн ойд зориулсан улс, аймаг, цэрэг, сумын цолтой 128 бөхийн уламжлалт барилдаан болно.