Хэдхэн хоногийн өмнө Казакстан улсыг 28 жилийн турш удирдсан ерөнхийлөгч Нурсултан Назарбаев өөрийн хүсэлтээр албан тушаалаасаа татгалзаж, түүний оронд парламентын дарга Касым-Жомарт Токаевт 2020 оны Ерөнхийлөгчийн ээлжит сонгууль хүртэл тус албыг хашихаар болсон билээ.
Харин Касым-Жомарт Токаев ажлаа хүлээн авсан эхний өдрөө Казахстаны нийслэлийг тус улсын анхны ерөнхийлөгч Нурсултан Назарбаевын нэрээр “Нурсултан” болгож өөрчлөх санал гаргаж ихээхэн шүүмжлэлд өртсөн ч Астана хотын нэрийг өөрчлөн Нурсултан нэртэй болголоо.
Энэ нь Касым-Жомарт Токаевын гаргасан анхны шийдвэр энэ юм.
Астанагийн нэрийг солих болсон үндэслэлээ Касым-Жомарт Токаевт “Казахстаны анхны ерөнхийлөгчийн алдрыг мөнхлөх” хэмээн тайлбарласан юм.
Казах хэлээр “нийслэл” гэсэн утга бүхий нэртэй Астана нь 1997 онд Казахстаны нийслэл болж байв. Өмнө нь Алматы хот тус улсын нийслэл байсан билээ.
Дашрамд дуулгахад өнгөрсөн лхагва гаригт Парламентын спикерийн ажлыг нь Назарбаевын том охин Дарига Назарбаева хүлээн авсан юм.
