Америкийн далбаа, Ерөнхийлөгчийн тамга, “Америкийн нэгдсэн улс” гэсэн чимэглэлтэй  Ерөнхийлөгчийн онгоцыг дэлхий даяар танина. Гурван  эгнээ зургаан давхар байшин шиг  өндөртэй Boeing 747-200B  төсөөлөхийн аргагүй хамгаалалттай. Гэхдээ түүнийг нь хэн ч олж хардаггүй.

Boeing 747-200B дотор тал асар их орон зайтай, 372 кв.м талбай бүгдэд  хангалттай. Тэнд хэд хэдэн хурлын танхим, зоогийн танхим ба Ерөнхийлөгчийн ажлын өрөө тасалгаанаас гадна  ахлах зөвлөхүүдийн ажлын байр, мэс заслын тасагтай. Мөн хоёр гал зуух, хамгаалагч нарын байртай. Ерөнхийлөгчийн агаарт өнгөрөөсөн цаг бүрт татвар төлөгчид 206.337 ам.доллар төлдөг.

Командын онцгой пункт, холбооны байр нь гуравдугаар давхарт нь байрлана. Онгоц №1-ийг цөмийн дайны үеэр  шуурхай удирдах төв болгох учиртайгаас бүх  цахим төхөөрөмжүүд нь цахилгаан долгионы довтолгооноос сайтар хамгаалагдсан гэнэ.

Агаарын хөлөг интернэттэй холбоотой учраас үүнд бас 112.000 ам.долларын зарлага гаргадаг.

Онгоц нь пуужингийн довтолгооны эсрэг хамгаалттай ба тэр нь онгоцны далавчинд байрладаг. Онгоцны эх бие маш бат бэх бөгөөд газар дахь цөмийн дэлбэрэлтийг даах чадвартай гэнэ.

Хуягт цонхыг нь том калибрийн винтовын сум ч нэвтлэхгүй. Онгоц  нэмэлт шатахуун авалгүйгээр 15360 км замыг туулж чадна.

М.Цогт