Stadium DB порталын чансаагаар "Волгоград Арена" цэнгэлдэхийг дэлхийн шилдгээр нэрлэжээ. Үзэгчдийн санал болгосон үр дүнг тус порталын Twitter хуудсандаа нийтэлсэн байна.
Энэ чансааны эхний гуравт Оросын бас хоёр том цэнгэлдэх хүрээлэн багтсан юм. Хоёрдугаарт нь "Самара Арена", гуравт нь "Нижний Новгород" цэнгэлдэх жагсжээ. Энэ санал асуулгын түүхэнд анх удаагаа нэг улсын гурван цэнгэлдэх дараалан тэргүүлсэн тохиолдол болж байгаа аж.
Харин чансааны асуултад хариулсан шинжээчид "Самара-Арена" цэнгэлдэхийг гуравт оруулсан байв. Шинжээчид шалгаруулсан шилдгээр Унгарын "DVTK - Stadion" цэнгэлдэхийг нэрлээд хоёрт нь Хятадын "Suzhou OSC Stadium" цэнгэлдэхийг оруулсан байв.
"Самара Арена" цэнгэлдэх нь Оросын премьер-лигийн "Крылья Советов" клубын гэр нь болж байгаа бөгөөд 2018 оны хөлбөмбөгийн ДАШТ-ний хэсгийн дөрвөн тоглолтыг мөн 1/8 ба ¼ шигшээгийн нэг нэг тоглолтуудыг хүлээн авсан байна.
"Волгоград Арена" цэнгэлдэхийг ДАШТ-2018-д зориулан босгосон бөгөөд түүнийг босгох зардал нь 16,367 тэрбум рубль байв. Тэнд хэсгийн дөрвөн тоглолт явагдаж байсан юм.
М.Цогт
