АНУ болон БНХАУ-ын төлөөлөгчид Бээжин хотноо хийж буй худалдааны яриа хэлэлцээгээ үргэлжлүүлэхээр болсон тухай АНУ-ын Худалдааны яамны хэвлэлийн албаны төлөөлөгч мэдээллээ.
Өнгөрсөн оны 12 дугаар сард АНУ-ын Ерөнхийлөгч Дональд Трамп болон БНХАУ-ын дарга Си Жиньпин нар худалдааны хэлэлцээг дахин эхлүүлэхээр тохиролцсоноос хойш хоёр талын төлөөлөгчид анх удаа ажлын түвшинд уулзалт хийлээ.
БНХАУ-ын Худалдааны яам уулзалт хоёр хоног үргэлжилнэ гэж мэдээлсэн юм. Харин АНУ-ын яамнаас уулзалт хэдий хугацаанд үргэлжлэхийг мэдээлээгүй бөгөөд хоёр талын хэлэлцээ даваа гаригт эхэлнэ гэж мэдэгдсэн байсан.
Харин өчигдөр АНУ-ын төрийн тэргүүн Доналд Трамп өчигдөр өөрийн “твиттер” хуудсандаа БНХАУ-ын талтай хийж буй худалдааны яриа хэлэлцээ амжилттай үргэлжилж байна гэж жиргэжээ.
