Оросын Батлан хамгаалах яаманд зуу дахь Су-35 сөнөөгч онгоцыг шилжүүллээ гэж “Онгоц үйлдвэрлэх нэгдсэн корпораци" (ОАК) мэдээлжээ.
Су-35 гэдэг олон талын зориулалттай сөнөөгч онгоц нь 4+ үеийнх бөгөөд түүнийг “Сухой” зохион бүтээх товчоо (ОАК) бүтээсэн юм. Онгоцыг үйлдвэрийн дамжлагад 2014 онд оруулжээ.
"Сухой" компанийн Комсомольск-на-Амуре хотын салбарт Оросын Батлан хамгаалах яамны захиалгын дагуу 2018 онд нийлүүлэх Су-35С сөнөөгчийг дамжуулах ёслол боллоо. Энэ нь тэдэнд нийлүүлж буй энэ төрлийн онгоцны зуу дахь сөнөөгч байлаа" гэж ОАК мэдээлэв.
Байлдааны гайхамшигтай хүчин чадалтай Су-35 нь Су-27 ба Су-57 сөнөөгчдийн хоорондын дамжлага болсон юм. "Дөрөв дэх үеийн төгс сөнөөгч онгоцыг бүтээхээд зохион бүтээгчид, үйлдвэрлэгчид энэ ажил үйлст оролцсон БХЯ-ны ажилтнууд, офицерүүд асар их хөдөлмөр гаргасан юм” гэж Комсомольске-на-Амуре хотын онгоцны үйлдвэрийн тэргүүн Александр Пекарш энэ ёслол дээр онцлон тэмдэглэжээ.
