Долоо хоног үргэлжлэх Дэлхийн Нэгдүгээр дайн дууссаны 100 жилийн ойн арга хэмжээ өчигдөр буюу Ням гаригт Франц улсад эхэллээ.
Энэхүү арга хэмжээнд дэлхийн 80 орчим улсын удирдагчид оролцох төлөвлөгөөтэй байгаа аж.
Мөн Франц орон даяар оршдог олон зуун мянган цэрэг эрс амь үрэгдсэн тулааны талбаруудад тус улсын ерөнхийлөгч Эммануэл Макрон зочлон, цуврал арга хэмжээнүүдэд оролцох юм.
Энэ арга хэмжээгээр АНУ-ын ерөнхийлөгч Дональд Трамп, ОХУ-ын ерөнхийлөгч Владимир Путин нар Францад ирж дайн дууссаны 100 жилийн ойг тэмдэглэхс гадна богино уулзалт хийх төлөвтэй байгаа юм.
Ойн арга хэмжээний хаалт Парисын Ялалтын хаалганы дэргэд арваннэгдүгээр сарын 11-нд буюу 11 дүгээр сарын 11 дэх өдрийн 11 цагт эхлэх юм.
Дэлхийн нэгдүгээр дайны ихэнх тулаанууд Франц, Бельгийн нутаг дэвсгэрт болсон байдаг ба дайны үр дүнд нийтдээ 16 сая орчим хүн амиа алдсан юм.
