Amazon, Google хоёр хөрөнгө оруулагчдийг гонсойлгов. IV улирлын тэдний санхүүгийн тайлан хувьцааны үнийн уналтыг өдөөлөө.
Тайлангуудаа нийтэлсний дараа компаниудын хувьцааны үнэ 7,5% ба 3,5%-иар тус тус уналаа. Уналт нь пүрэв гаригийн нэмэлт арилжааны үеэр гаржээ. Харин үндсэн арилжаагаар эдгээр компанийн хувьцаа итгэлтэйгээр өсч байлаа. Amazon гэхэд л өдрийн төгсгөл рүү 7%-иар өсөв. Google - 4% гаруйгаар нэмэгдсэн байлаа. Эцсийн дүнд тэр бүх өсөлт нь хасагдсан байна.
Хөрөнгө оруулагчдын гол түгшүүр нь компаниудын ашиг нь хүлээлтэд нь хүрээгүй нь болж байна. Арилжааны хурдыг л тэд харж байдаг билээ. Аль нэг эмитент нь түрэмгийллээ нэмэгдүүлж байхад хувьцааны үнэлгээ нь нэмэгдэж, ашгийн өсөлт нь удааширч эхэлдэг жамтай. Тэр нь ердийнхөөр хөрөнгөжилт нь хүчтэй унаснаар төгсдөг.
Дашрамд, компаниудын дараагийн улирлын дүгнэлт нь бас л хөрөнгө оруулагчдыг баярлуулахаар биш.
Ерөнхийдөө бол энэ бүгд нь логиктой зураглалын элемент юм. Хөрөнгийн зах зээлийн уналт зүгээр нэг эхлээгүй, шууд дуусахгүй нь ойлгомжтой. Сүүлийн 10 жилд тийм л байлаа. Ямар нэгэн хөрөнгийн үнэлгээ нь мөнгөний хүртээмжээс хамааралтай байсан ба одоо дэлхий даяар мөнгөний бодлого хатуужин хэтэрсэн хэмжээний өр төлөлтийг хураах талдаа орж байгаа юм. Ийм нөхцөлд санхүүгийн хөрөнгө өсөхгүй нь ойлгомжтой.
2008 оны сүйрлийн дараа QE –г гаргасан нь хамгийн том алдаа бололтой. Системийг мөнгөөр угжсан нь эрсдэл гэсэн чухал ойлголтыг балруулджээ. Хэдэн зуун тэрбумын үнэт цаас сөрөг ашигтай байгаа ба “хогийн” облигациуд хамгийн доод хэмжээний ашигтайгаар арилжаалагдаж байлаа. Энэ мэтээр.
Amazon, Google хоёр хувьцааны зах зээл дээр сүүлийн жилүүдэд дээшилж буй трендийн лидерүүд байсан ба тэдний үнэлгээ хэтэрхийг хөөрөгдсөн байлаа. Ийм “хөөсөнцрүүд” түүхэнд хангалттай их. Хэдэн жилийн өмнө биотехнологийн компаниудын хувьцааны үнэ хэт үлээгдэж байгаад хагарсан байдаг. Сүүлийн хоёр жилд E-commerce сектор ийм байгаа ба мөн л тийм төгсгөлтэй байх болов уу.
Google ба Amazon компанийн тайлангийн дараа FANG – Apple, Facebook компанийн хувьцаанууд бас унаад эхэлсэн байна. Эд бүгд нэг “хөөсөнцрийн” компаниуд болохоор адилхан л үлээгдэж байх нь ойлгомжтой.
М.Цогт
