Фэйсбүүк 1 тэрбум гаруй хүн өдөр бүр хэрэглэж буй хамгийн алдартай нэмэлтүүдийн нэг болох группыг төлбөртэй болгох гэж байна. Энэ нь групп удирдаж буй админууд 4,99-29,99 долларын төлбөр тогтоож, зөвхөн хаалттай хүрээнд контент нийлүүлэх, мэдээлэл хүргэх боломжтой болно гэсэн үг. Уг нэмэлтийг сая, сая гишүүдтэй групп үүсгэж, хөгжүүлж буй админ-хэрэглэгчдийг урамшуулах, орлоготой болгох ач холбогдолтой хэмээн Фэйсбүүк үзэж байгаа аж.