Аргентины нийслэл Буэнос-Айрес хотод хөлбөмбөгийн домог Диего Марадонад олон мянган хөгжөөн дэмжигчид нь хүндэтгэл үзүүлж байна.

Мянга мянган хүмүүс хөлбөмбөгчний авсны хажуугаар уйлж, үнсэж, өргөж, залбирч байв.  Дараа нь түүний оршуулгын кортеж өнгөрөхөд хүмүүс гудамжаар эгнэн зогсов

Гэвч цагдаа нар олноороо цугласан хүмүүсийг хянах гэж оролдсноос үүдэн ширүүн мөргөлдөөн үүсэх дөхсөн байна. 

Энэ лхагва гаригт үндэсний баатар 60 настай Марадона зүрхний шигдээсээр нас барсны дараа үндэсний хэмжээнд гурван өдрийн гашуудал зарласан билээ.

Марадонагийн авсыг Аргентины төрийн далбаа, хөлбөмбөгийн цамцаар хучсан, ар тал дээр нь 10 гэсэн тэмдэг тэмдэглэсэн байсан нь пүрэв гаригт Ерөнхийлөгчийн ордонд олон нийтэд дэлгэгджээ. Үд дунд гэхэд олны хөлийн дараалал нэг км гаруй урт сунжирсан бөгөөд цагдаа нар орон нутгийн цагаар 16:00 цагт салах ёс гүйцэтгэх ажлыг дуусгахаар төлөвлөсөн ч ордны гадаа хүлээж байсан гашуудалтнуудтай мөргөлджээ. Үймээн самууны үеэр офицерууд олныг барьж дийлэхгүй байсан учраас нулимс асгаруулагч хий, резинэн сум ашигласан гэсэн мэдээлэл байна.

Олны дунд хүндэтгэл үзүүлж байсан Аргентины тулаанч Рубен Эрнандес цагдаа нар хэтэрхий даварсан гэжээ. "Бид тайван эгнэн зогсож байгаад гэнэт цагдаа нар резинэн сум буудаж эхлэсэн" гэж тэр Ройтерс агентлагийнханд өгсөн яриандаа дурьджээ. Тэрээр "Энэ үйлдэл бол үнэхээр галзуу, би зүгээр л Диеготой салах ёс хиймээр байна" гэсэн юм.

Дараа нь эрх баригчид хайрцаг руу нэвтрэх эрхийг хоёр цаг сунгасан боловч гашуудаж буй олон хүн авс руу очиход хангалтгүй хэвээр байв. Оршуулгын моторжуулсан кортеж түүний цогцсыг хотын захад орших Белла Виста оршуулгын газар руу хүргэж, хувийн ёслолд оршуулахаар болжээ.

Бү.Лхамаа