Жүдо бөхийн насанд хүрэгчдийн Азийн аварга шалгаруулах тэмцээн энэ сарын 25-нд Тайландын нийслэл Бангкок хотноо эхэлнэ. Тус тэмцээнд өнөөдрийн байдлаар 23 орны 220 гаруй жүдоч оролцохоор мэдүүлгээ өгөөд байгаа бөгөөд Монгол Улсаас эрэгтэй, эмэгтэй тус бүр долоон жинд нийт 18 тамирчин хүч үзэхээр бэлтгэж байна.

Манай багийг ахлах дасгалжуулагч У.Эрдэнэбаатар, дасгалжуулагч П.Нямлхагва, Г.Болдбаатар, Б.Хишигбаяр нарын бүрэлдэхүүн удирдан оролцож байгаа бөгөөд зарим жингүүдэд нэг улсаас хоёр жүдоч оролцох боломжийг ашиглан 73, -100, 52, 70 кг-ын жинд хоёр тамирчин оролцуулна.

Монголын жүдочдын бүрэлдэхүүн:

Эрэгтэйчүүд:

• 60 кг: Б.Сүхбат (улсын дөрвөн удаагийн аварга)

• 66 кг: Б.Эрхэмбаяр (Азийн аварга)

• 73 кг: Л.Анхзаяа (ДАШТ-ий хүрэл медальт), О.Уранбаяр (Парисын “Их дуулга”-ын хүрэл медальт)

• 81 кг: О.Шинэбаяр (улсын аварга)

• 90 кг: Б.Мөнхбаяр (Актаугийн нээлттэй тэмцээний аварга)

• -100 кг: А.Энхбаяр (улсын аварга), Б.Хүдэрчулуун (Зүүн Азийн аварга)

• +100 кг: Б.Гончигсүрэн (Улаанбаатарын “Их дуулга”-ын аварга)

Эмэгтэйчүүд:

• 48 кг: Г.Наранцэцэг (ОУХМ)

• 52 кг: М.Нандин-Эрдэнэ, Б.Уранзаяа

• 57 кг: Т.Ариунзаяа (өсвөрийн ДАШТ-ий аварга)

• 63 кг: Л.Энхрийлэн (Гавьяат тамирчин)

• 70 кг: Б.Ням-Эрдэнэ, Д.Есүй

• -78 кг: А.Дуламсүрэн

• +78 кг: А.Адъяасүрэн

Холимог багийн барилдаан: Дархан аварга Г.Өсөхбаярын хүү Ө.Пэрэнлэйжамц багийн бүрэлдэхүүнд багтаж, олон улсын хэмжээний тэмцээнүүдэд тогтмол амжилт гаргаж ирсэн нь анхаарал татаж байна. Тэрбээр Хонконгийн нээлттэй тэмцээнээс хүрэл медаль хүртэж байжээ.

Монголын жүдо бөхийн шигшээ багийн хувьд энэ удаагийн тэмцээн нь тивийн чансаанд байр ахиулах, олимпын оноо цуглуулах, хүчтэй өрсөлдөгч нартай нүүр тулан бэлтгэлээ сорих чухал шалгуур болох юм.

Эх сурвалж: МҮОХ, МЖБХ