Үндсэн хуулийн нэмэлт өөрчлөлтийн төслийг хоёр дахь хэлэлцүүлгийг өнгөрөгч долоо хоногт УИХ-аар хэлэлцэж дууссан хэдий ч өнөөдрөөс Байнгын хороо нэмэлт өөрчлөлтийг төслийг лахин задалж эхэллээ.
Тодуулбал, УИХ-ын нэр бүхий 20 гишүүн “Стратегийн ордын 50-аас дээш хувь нь ард түмний мэдэлд, төрийн эзэмшилд байна" гэсэн томьёоллыг оруулах санал гаргасныг өнөөдөр Төрийн байгуулалтын байнгын хороогоор хэлэлцсэн байна.
Ингэхдээ "Стратегийн орд, байгалийн баялгийг ашиглахдаа байгалийн баялаг ард түмний мэдэлд байх заалтад нийцүүлэн түүний үр өгөөжийг дийлэнх нь ард түмэнд ногдож байх эрхзүйн үндсийг хуулиар тогтооно" гэж найруулан өөрчлөхөөр болжээ.
Уг томьёоллыг хуралдаанд оролцсон гишүүдийн 100 хувийн саналаар дэмжсэн байна. Үргэлжлүүлэн нэгдсэн чуулганыг хуралдуулах зар тараад байсан ч Ард нийтийн санал асуулгатай холбоотой зардлын асуудлыг Байнгын хороо дахин ярина гэсэн тул чуулганы хуралдааныг хойшлуулсан байна.
