УИХ дахь МАН-ын бүлэг өнөөдөр (2019.08.13) хуралдаж, Үндсэн хуульд нэмэлт, өөрчлөлт оруулах тухай хуулийн төслийн ажлын хэсгүүдийн болон зөвшилцлийн ажлын хэсгүүдийн саналыг сонсчээ. Өчигдөр үдээс хойш хуралдсан бүлгийн хуралдаанаар Ерөнхийлөгчийн гаргасан зарим саналуудыг зөвшилцлийн ажлын хэсэг дахин хэлэлцэх шаардлагатай гэж үзсэн юм байна.

Тиймээс өнөөдөр зөвшилцлийн ажлын хэсэг хуралдсаны дараа МАН-ын бүлэг дахин хуралдахаар болсон гэв. Бүлгийн гишүүдийн зарим нь тойрогтоо ажиллаж, ирц муутай байгаа учир сайд Ц.Нямдорж МАН-ын бүлгийн даргаас ирцээ бүрдүүлэхийг шаардсан байна.